Facebook-da yeni düymələr
“Facebook” sosial şəbəkəsi “Xoşuma gəlir” düyməsinin alternativi olan “Xoşuma gəlmir” düyməsinin yaradılması üzərində iş aparırdı. Ancaq şəbəkənin banisi Mark Suxerberq oktyabrın 8-də bəyan edib ki, “Xoşuma gəlmir” (Dislike) düyməsini tətbiq etməyəcək, əvəzində sosial şəbəkədə “Angry” (Qəzəbli), “Sad” (Qəmgin), “Yay” (Əla; Yaşasın), “Wow” (Ay, nə gözəl) və digər bu kimi düymələr təklif olunacaq. Yeni düymələr oktyabrın 9-dan İrlandiya və İspaniyadakı istifadəçilərin ixtiyarına verilib.
“Facebook” istifadəçilərinin çoxu illərdir təkid edirdilər ki, şəbəkə “Dislike” düyməsini əlavə eləsin. Belə ki, məsələn, faciəvi hadisə barədə yazılan statusu bəyənmək heç yaxşı görünmürdü. “Siz bəyənmədiyinizi deyil, kədərinizi, eləcə də heyrətinizi bidirəcəksiz, – Mark Suxerberq bildirb. – Heç də hər məqam yaxşı sayıla bilməz və bəzən sadəcə dərdə şərik olduğunuzu göstərmək istəyirsiz”.
