Rusiya Xəzər dənizindən Suriyaya atəş açıb
Rusiyanın Xəzər dənizindəki hərbi gəmiləri İŞİD-in Suriyadakı obyektlərini atəşə tutub. Bunu Rusiya prezidenti Vladimir Putin oktyabrın 7-də deyib.
Novator.az-ın məlumatına görə, Putin bildirib ki, Rusiyanın Xəzər Donanmasındakı gəmilər 1500 kilometr uzaqda yerləşən İŞİD obyektlərini yüksək dəqiqliklə vura bilib.
Rusiya prezidenti Suriyadakı daxili vəziyyətdən danışarkən deyib ki, bu tipli münaqişələr siyasi məsələlərin həlli yolu ilə sona çatdırılmalıdır.
