İlham Əliyev Vladimir Putinə zəng edib
Oktyabrın 7-də prezident İlham Əliyev rusiyalı həmkarı Vladimir Putinə telefonla zəng edib.
AZƏRTAC-ın məlumatına görə, İ.Əliyev V.Putinə ad günü münasibətilə təbriklərini çatdırıb, ona fəaliyyətində yeni-yeni uğurlar və möhkəm cansağlığı arzulayıb.
V.Putin göstərilən diqqətə və təbrikə görə İ.Əliyevə minnətdarlığını bildirib.
Telefon söhbəti zamanı dövlət başçıları Azərbaycanla Rusiya arasında ikitərəfli münasibətlərin bütün sahələrdə inkişaf etdiyini, strateji tərəfdaşlıq səviyyəsində əlaqələrin bundan sonra da möhkəmlənəcəyinə əmin olduqlarını bildiriblər.
Oktyabrın 7-də Rusiya prezidenti Vladimir Putinin 63 yaşı tamam olur.
