Alimlər təsdiqləyir: Yer ətrafında ikinci Ay var
Britaniyalı astronomlar sensasiyalı açıqlama ilə çıxış ediblər. Onlar bildiriblər ki, Yer planetinin daha bir peykinin olduğu haqda deyilənlər doğrudur. Bu o deməkdir ki, Ay Yer planetinin yeganə peyki deyilmiş. Necə deyərlər, Yer ətrafında ikinci Ay varmış.
Yerin ikinci peykini Kruitni adlandırırlar. Kruitnini ilk dəfə 1986-ci ilin oktyabrında britaniyalı həvəskar astronom Dunkan Ualdron aşkar edib. O, peyki Avstraliyada Şmidt teleskopundan görüb. Bu göy cisminə Kruitni adı Britaniya adalarına köçmüş kelt xalqının şərəfinə verilib.
İndi Britaniya astronomları Kruitninin mövcudluğunun tam təsdiqləndiyini vurğulayırlar.
Novaror.az xəbər verir ki, alimlər Kruitninin qeyri-adi formaya malik olduğunu deyirlər. Onların sözlərinə görə, Kruitni peyki Venera, Mars, Günəş, Merkuri planetlərinə yaxınlaşaraq Günəş sistemi ətrafında orbit üzrə nal formasında hərəkət edir.
Kruitninin tam dövrə vurması uçun 790 il lazımdır. Ayın “qohum”u hesab olunan Kruitninin diametri isə cəmi 5 kilometrdir.
Astronomların proqnozları göstərir ki, 2 min ildən sonra ikinci peyk Yerə daha yaxın olacaq. Amma mütəxəssislər Kruitninin Yerlə toqquşmayacağı qənaətindədirlər. Çünki Kruitni Yer kürəsinə 30 milyon kilometrdən çox yaxınlaşa bilməz, bu isə Ayla olan məsafədən 30 dəfə çoxdur.
