Rusiya “Windows”a “Sputnik” buraxır
Rusiyanın “Rostelekom” telekommunikasiya şirkəti “Windows” platforması üçün “Sputnik” brauzerini işə salmağa hazırlaşır. Novator.az xəbər verir ki, brauzer beta-sınaq mərhələsindədir, yəni son sınaqlardan keçirilir. Sınaq mərhələsinin yaxın vaxtda başa çatacağı, brauzerin 2016-cı ildə işə salınacağı gözlənir.
İstehsalçılar deyirlər ki, “Sputnik”də informasiyalar “Chrome” və “Yandex” baruzerləri ilə müqayisədə daha dolğun və daha təhlükəsiz olacaq.
Layihəyə qoyulan sərmayənin həcmi açıqlanmır.
“Sputnik” brauzeri üzrə sınaqlara 2014-cü ildən başlanıb. İndiyədək sınaq mərhələsində 10 milyon adamın iştirak etdiyi deyilir. Brauzerin “Android” və “iOS” üçün versiyaları da var. Mobil qurğulardan da brauzerə giriş mümkündür.
