“Skype”da ani tərcümə funksiyası
“Microsoft” şirkəti “Skype”ın iş stolu versiyasına “Skype Translator” funksiyasını əlavə edib.
Novator.az xəbər verir ki, “Skype Translator” ani tərcümə funksiyasıdır. “Windows 7”, “Windows 8” və “Windows 10” istifadəçiləri bu funksiyadan yararlana biləcəklər.
“Microsoft” bir il bundan əvvəl “Skype Translator”u “Windows 8” üçün muxtar əlavə kimi buraxmışdı. İndi həmin funksiya “Skype”ın iş stolu versiyasına da tətbiq edilir.
Tərcümə 6 dilə – ingilis, fransız, alman, italyan, ispan və Çin dillərinə aiddir.
“Skype”ın audio və video zənglərinə əlavə olunacaq tərcümə düyməsinin yaxın həftələrdə işə düşəcəyi gözlənir.
