“Facebook”da profilə video yerləşdirmək mümkün olacaq
“Facebook” sosial şəbəkəsi mobil səhifə üçün yeni funksiya tətbiq edib. Novator.az xəbər verir ki, yeni funksiya istifadəçinin profilinə şəkil əvəzinə video yerləşdirməyə imkan verir.
Video-profil istifadəçinin profilinə yeni ölçülər əlavə etməyə də imkan yaradır.
Bundan başqa, istifadəçilər təsvirin başlanğıc və son vaxtını təyin etməklə profildəki şəkli dəyişə bilərlər.
“Facebook” şirkəti hesab edir ki, funksiya istifadəçilərə hansısa hadisəni xüsusi qeyd etmək (məsələn, final oyunları başlayana qədər azarkeşlik etdikləri komandaya dəstək olmaq) məsələsində yardımçı ola biləcək.
