Elektron namaz xalçası
Dağıstanlı alim Eldar Klıçov elektron namaz xalçası hazırlayıb. Novator.az xəbər verir ki, ibadət zamanı alın xalçaya toxunanda sensor plitə təzimlərin sayını göstərir. Bundan başqa, elektron xalça ibadət edənin ritm və duruş vəziyyətini də izləyir. Namaz qaydası pozulduqda “ağıllı” xalça titrəməyə başlayır. Amma bu titrəyiş ibadət prosesinə mane olmur. Eldar Klıçov deyib ki, onun bu xalçanı hazırlamaqda əsas məqsədi ibadət zamanı yanılmaların qarşısını almaqdır.
