Putin dördüncü dəfə prezident olacaqmı?
Rusiya prezidenti Vladimir Putin ABŞ mediasına müsahibəsində dördüncü dəfə prezidentliyə namizəd olub-olmayacağı haqda suala da cavab verib.
Putin ilk dəfə 2000-ci il martın 26-da prezident seçilib. 2004-cü il seçkisində bu postu əlində saxlayıb. 2008-ci ilin may ayından Rusiyanın baş naziri olub. 2012-ci il martın 4-də yenidən prezident seçilib.
Novator.az xəbər verir ki, Putin dördüncü dəfə prezident postunu tutmasının konstitusiyaya zidd olmadığını söyləyib. Amma o, əlavə edib ki, bu hüquqdan istifadə edəcəyinə əmin deyil: “Bu, iki vəziyyətdən asılıdır. Birincisi, konstitusiyada nəzərdə tutulan qaydalar var və mən onları pozmayacam. Amma mən bu konstitusion hüququmdan tam istifadə edəcəyimə də əmin deyiləm. Bu, ölkədəki və dünyadakı vəziyyətdən və mənim şəxsi əhval-ruhiyyəmdən asılı olacaq bir məsələdir”.
