Qışqırıqdan enerji yığan telefon
London alimləri mobil telefonlar üçün yeni enerji mənbəyi tapıblar. Onlar telefonu enerji ilə təchiz etmək üçün gur səsdən istifadə ediblər.
Novator.az xəbər verir ki, London alimlərinin düzəltdiyi yeni telefon batareyası futbol meydançasındakı və ya kafedəki səs-küydən enerji yığır.
Yeni ideya günəş batareyalarının istehsalını yaxşılaşdırmaq üçün musiqi səsindən istifadəni nəzərdə tutulan ixtiraya əsaslanır. Həmin ixtira zamanı günəş batareyasında qurğunu hərəkət etməyə məcbur edən səsli vibrasiya hesabına əlavə enerji yığılır. Yekunda günəş batareyasının gücü 40% artır.
Alimlər deyirlər ki, səsdən enerji alan telefon enerjini elektrik şəbəkəsindən qidalanan batareyalardan çox saxlayacaq.
