Moskva: Cümə məscidinin təmirdən sonrakı açılışı olub
Sentyabrın 23-də Rusiya paytaxtı Moskvada yenidənqurma və bərpa işlərindən sonra Cümə məscidinin açılışı olub.
Novator.az xəbər verir ki, açılış mərasimində Rusiya prezidenti Vladimir Putin, Türkiyə prezidenti Rəcəb Teyyub Ərdoğan, Fələstin prezidenti Mahmud Abbas, Rusiya Müftilər Şurasının sədri Ravil Qaynutdin və digər şəxslər iştirak ediblər.
Moskva Cümə məscidinin sahəsi bərpadan sonra 20 dəfə artırılaraq 19 min kvadratmetrə çatdırılıb. Bu da eyni vaxtda 10 min möminin namaz qılmasına imkan verir. Altı mərtəbəli məscidin 7 lifti var və bəzi zallarında nazik ekranlı televizorlar quraşdırılıb. Ekranlarda məscidin mərkəzi zalında baş verənlər yayımlanır. Məscidin günbəzi 46 metr, diametri 27 metrdir.
