Neft Fondu Tokioda daşınmaz əmlak alıb
Dövlət Neft Fondu Yaponiyanın paytaxtı Tokioda 52,3 milyard yen (100 yapon yeni 0.8751 manatdır) dəyəri olan “Kirarito Ginza” ticarət obyektini satın alıb. Alğı əməliyyatı yerli “Mitsubishi UFJ Trust and Banking Corporation” şirkəti ilə birgə həyata keçirilib.
Fonddan Transparency.az-a verilən məlumata görə, bu, Yaponiyada ilk daşınmaz əmlak investisiyasıdır.
“Kirarito Ginza” ticarət obyekti Yaponiyanın ən məşhur ticarət ərazisi sayılan Ginza rayonunda yerləşir. Binanın tikintisi 2014-cü ildə başa çatdırılıb. Ümumi sahəsi 15 647 kvadratmetr olan binanı 47 şirkət icarəyə götürüb.
