Bakı-Sumqayıt qatarının hərəkət cədvəlində dəyişiklik
Sərnişinlərin arzu və təkliflərini nəzərə alaraq, onların qatarlardan istifadəsini asanlaşdırmaq məqsədilə 2015-ci il sentyabrın 28-dən etibarən Bakı-Sumqayıt-Bakı sərnişin marşrutu üzrə hərəkət edən 6011/6012, 6013/6014, 6015/6016 nömrəli elektrik qatarlarının hərəkət cədvəllərində hissəvi dəyişikliklər ediləcək.
“Azərbaycan Dəmir Yolları” QSC-dən AZƏRTAC-a bildirilib ki, Bakı-Sumqayıt elektrik qatarları Baki sərnişin stansiyasından saat 05:10, 05:30, 06:50, 07:50, 16:00, 17:45, 18:45 və 19:45-də, Sumqayıt sərnişin stansiyasından 06:40, 07:10, 07:55, 09:00, 17:10, 18:50, 19:50 və 20:50-da yola düşəcək.
24 sentyabr 2015-ci ildən etibarən hər şənbə, bazar və bayram günləri, sərnişin sıxlığı az olduğuna görə, Baki sərnişin stansiyasından saat 05:10-da, Sumqayıt sərnişin stansiyasından saat 06:40 yola düşən elektrik qatarları ləğv olunacaq.
