Alimlər robot-yazar düzəldiblər
ABŞ-ın Corciya Universitetinin tədqiqatçıları robot-yazar düzəldiblər.
Novator.az xəbər verir ki, alimlər robotun yaddaşına real insanların yazdığı 200-dən artıq əhvalatı daxil ediblər. Bu əhvalatların iki ana süjeti var: kinoya axın və bank qarəti.
Robot-yazar süjet silsiləsini başa düşmür, amma istifadəçinin sifarişinə uyğun olaraq öz yaddaşındakı süjetlərdən birini seçib əhvalatın ardını yaza bilir. O bunu faktlar və müxtəlif süjet xəttləri üzrə əməliyyat apararaq edir. Məsələn, robot-yazar “oturmaq və filmə baxmaq” hadisəsinin “bilet almaq” prosesindən sonra gəldiyini dəqiq bilir.
Alimlər robotu “Scheherazade-İF” adlandırıblar. İF – “İnteractive Fiction” sözünün abbreviaturasıdır. “İnteractive Fiction” süjet xəttindən çıxan əsər deməkdir.
Robot-yazar mürəkkəb əhvalatlar qura bilməsə də, alimlər hesab edirlər ki, o, proqram yaddaşına daxil edilmiş mətnlərin emalı və süjet xəttindən kənara çıxan əhvalatların hazırlanması sahəsində daha təkmil proqramların yaradılmasına təkan verə bilər.
