Kamerasız smartfon hazırlanır
Telekommunikasiya avadanlıqlarının istehsal həcminə görə dünyada ikinci yeri tutan Çinin “ZTE” şirkəti hamını təəccübləndirən yeni smartfon haqda məlumat yayıb.
Novator.az xəbər verir ki, yeni smartfonun kamerası olmayacaq. Ekspertlər şirkətin bu addımını riskli hesab edirlər.
Yeni “ZTE S3003” smartfonu innovasiya tətbiqinə görə rəqib qurğuları heç nə ilə üstələməyəcək. Ekspertlər Çin mütəxəssislərinin belə bir qeyri-standart smartfon modeli yaratmaq niyyətinin səbəbini anlaya bilmirlər. Smartfonun yaradıcıları isə bu məsələ ilə bağlı şərh verməkdən imtina edirlər.
