“Facebook”da “Signal”
“Facebook” sosial şəbəkəsində informasiya axtarmaq üçün yeni xidmət tətbiq edilib. Novator.az xəbər verir ki, “Signal” adlanan xidmət jurnalistlərə sosial şəbəkədə material tapmaqda kömək edəcək.
“Signal” jurnalistlərə eyni vaxtda həm “Facebook” və “İnstagram”dan gələn xəbərləri izləməyə, həm də informasiya axınını strukturlaşdırmağa və vacib məlumatları yadda saxlamağa imkan verəcək. Xidmət jurnalist məqalələri üçün şəkil tapmağa da yardım edəcək.
KİV əməkdaşları “Signal”dan pulsuz istifadə edə biləcəklər. Xidmətə qoşulmaq üçün administrasiyaya sorğu göndərilməlidir.
