“Coca-Cola”dan enerji yığan telefon
Bir qrup amerikalı mühəndis “Coca-Cola” içkisindən enerji yığan mobil telefon düzəldib.
Novator.az xəbər verir ki, belə bir telefonun ideya müəllifi Dayszi Çjendir. Onun metodu kimyəvi proseslərin istifadəsinə əsaslanır. D.Çjen yeni texnologiyanın ABŞ ərazisində tezliklə yayılacağına əmindir. Çünki qurğunun akkumulyatorunun yanacağı rolunda çıxış edən “Coca-Cola” ABŞ-da çox populyardır.
Yeni qurğunun əsas elementi olan biobatareya “Coca-Cola”da çoxluq təşkil edən karbohidratdan (şəkər) yararlanır. Təchizat elementi karbohidratdan enerji hasil edir.
Layihə müəllifi jurnalistlərə bildirib ki, təklif etdiyi konstruksiya enerjini 2-3 saat saxlaya bilir. İxtiraçı hesab edir ki, onun mobil telefonundan əsasən “Greenpease” Beynəlxalq Təşkilatının mütəxəssisləri və hər gün “Coca-Cola” içənlər yetərincə yararlana biləcəklər.
