Bazara yeni planşet çıxarılır
ABŞ-ın “Amazon” şirkəti satış qiyməti 50 dollara olan yeni planşetini sentyabrın 30-dan bazara çıxarır.
Novator.az xəbər verir ki, yeni planşetin mətnlərə girmək, video materiallara baxmaq, video oyunlar oynamaq kimi baza funksiyaları var.
Bu planşet 8 giqabayt yaddaşı olan dörd nüvəli prosessora malikdir. Prosessorun yaddaşını 128 giqabayta çatdırmaq olur.
“Amazon”un bahalı qurğuları istehlakçıları cəlb etmədiyindən şirkət belə ucuz planşet istehsal etmək qərarına gəlib.
