Terrorçular internetdən tərəfdar yığmaq üçün istifadə edir
Terrorçular internetdən ən çox özlərinə tərəfdar yığmaq üçün istifadə edirlər. Novator.az xəbər verir ki, Rusiya Federal Təhlükəsizlik Xidməti rəhbərinin birinci müavini Sergey Smirnov sentyabrın 18-də Özbəkistan paytaxtı Daşkənddə jurnalistlərə belə açıqlama verib.
S.Smirnov kiber-məkanın gənclər arasında daha populyar olduğunu vurğulayıb: “Terrorçu birləşmələrin başçıları bundan təkcə Suriya və Yaxın Şərqdə deyil, Rusiyada, Çində və Şanxay Əməkdaşlıq Təşkilatına üzv olan digər ölkələrdə sıralarını genişləndirmək üçün yararlanırlar. Bu təhlükəni təkcə hüquq mühafizə orqanları deyil, ölkə rəhbərləri də dərk edir və terrorla mübarizəyə sərhəd, miqrasiya strukturlarını, həmçinin digər orqanları cəlb edir”.
