“BBC Monitorinq” Bakıdan köçür
“BBC Monitorinq” öz ofisini Bakıdan Tbilisiyə köçürür. Novator.az bildirir ki, bu məlumatı RİA Novosti agentliyi Sputniknews.com-a istinadla yayıb.
Məlumatda deyilir ki, “BBC Monitorinq”in ofisinin Azərbaycan paytaxtından Gürcüstan paytaxtına köçürülməsi prosesi 6 ay çəkəcək.
Ofisin Bakıdan Tbilisiyə köçürülməsinin səbəbi açıqlanmır.
“BBC Monitorinq”in Bakı ofisi məsələyə şərh verməkdən imtina edib. “BBC”nin Londondakı Rusiya xidməti də sualdan yayınıb.
BBC Böyük Britaniyanın teleradio şirkətidir. “BBC Monitorinq” həmin şirkətin bütün dünyada hər növ KİV-in monitorinqini aparan bir bölməsidir. Bölmə Bakıda 15 ildən artıqdır fəaliyyət göstərir.
