Liberallar mühafizəkarlardan çox söyüş söyür
ABŞ-ın Demokratlar Partiyasının üzvləri və onların tərəfdarları, yəni amerikalı liberallar “Twitter” sosial şəbəkəsində Respublikaçılar Partiyasının üzvlərindən və tərəfdarlarından, yəni mühafizəkarlardan daha çox söyüş söyürlər. Novator.az xəbər verir ki, bunu Böyük Britaniya psixoloqları müəyyənləşdirib.
Psixoloqlar indi yekunlaşdırdıqları bu araşdırmaya 2014-cü ilin iyun ayından başlayıblar. Onlar 2014-ün iyununda iki həftə ərzində ABŞ-ın mühafizəkarlar və liberallar qanadını təmsil edən 10 mindən çox populyar bloqçunun bir milyondan çox “tvit”ini təhlil ediblər.
Araşdırma göstərib ki, mühafizəkarlar “Twitter”də daha çox “biz” kəlməsi ilə danışırlar və kollektiv şəkildə düşünürlər, liberallar isə “tvit”lərində daha çox “mən” sözünü işlədir və çox da söyüş söyürlər.
