Neft Fondu qazancından nə qədər çox xərcləyəcək?
“Gələn il Dövlət Neft Fondunun xərci gəlirindən 22,2 faiz çox olacaq”. Bunu Transparency.az-a iqtisadçı ekspert Azər Mehtiyev deyib.
Maliyyə Nazirliyinin açıqladığı məlumata əsaslanan ekspert qeyd edib ki, 2016-cı ildə Neft Fondunun gəlirləri 6 milyard 711,6 milyon manat, xərcləri isə 8 milyard 200 milyon manat proqnozlaşdırılır: “Yəni il ərzində fondun xərci onun illik gəlirindən 1 milyard 488,4 milyon manat, 22,2 faiz çox olacaq”.
Azər Mehtiyev əlavə edib ki, gələn il Neft Fondundan dövlət büdcəsinə 6 milyard manat transfert ediləcək, bu da qurumun illik xərclərinin 73,2 faizi qədərdir: “Fonddan transfertin dövlət büdcəsinin gəlirlərində payı 41,2 faiz olacaq”.
