Kosmik gəmini xatırladan ev
İspaniyanın “NOEM” Memarlıq Studiyası Madrid şəhəri ətrafında “Spaceship Home” adlanan ev qurub. Ev rejissor və ya elmi fantastika həvəskarı üçün nəzərdə tutulub. Evin görünüşü və içərisi kosmik gəmini xatırladır.
Novator.az xəbər verir ki, memarlar evin tikintisinə 2 ay vaxt sərf ediblər.
Binanın içi laklanmış sink polad təbəqədəndir. Evin girişindəki pilləkən əvvəllər İspaniyanın “Spanair” aviaşirkətinin “МD-82” təyyarəsinə məxsus olub və Barselona hava limanından götürülərək bura gətirilib.
Evin içərisində “Ulduz müharibələri” üslubunda hazırlanmış daxili panel var və ev onunla idarə olunur.
