“Facebook”da yeni funksiya: mesajın oxunduğu bilinəcək
Novator.az xəbər verir ki, “Facebook” sosial şəbəkəsində yeni funksiya – “Baxılıb” yaranır.
İndiyə qədər istifadəçilər ismarışı oxuyandan sonra ona cavab verməyə tələsmirdilər. Çünki ismarışı göndərən ona baxılıb-baxılmadığını bilmirdi. Bu səbəbdən bir çox “Facebook”çu dostlarının susmağının səbəbini öyrənməyə çalışırdı. Yeni “Baxılıb” funksiyası bu intizara son qoyacaq, çünki ismarış göndərən dostlarının onu görüb-görmədiyini biləcək.
Şirkətin təmsilçiləri artıq yeni funksiyanı təsdiqləyiblər. Funksiya sosial şəbəkələrin messencerində və qruplarda işləsə də, onun hər yerdə işləyəcəyi vaxt hələ açıqlanmayıb.
