Ermənilərin məhv edilmiş pilotsuz uçan aparatı
Azərbaycanın Müdafiə Nazirliyi sentyabrın 15-də cəbhənin Ağdam rayonu istiqamətində Silahlı Qüvvələrimizin mövqeləri üzərində uçuşlar həyata keçirməyə cəhd göstərərkən vurulan Ermənistan Silahlı Qüvvələrinə məxsus pilotsuz uçan aparatla bağlı yeni məlumat yayıb.
Novator.az bildirir ki, Müdafiə Nazirliyinin yeni məlumatında pilotsuz uçan aparatın tipi və xüsusiyyətləri açıqlanıb. Eyni zamanda nazirlik məhv edilmiş aparatın fotoşəkillərini yayıb.
Müdafiə Nazirliyinin yeni məlumatında deyilir ki, cəbhənin Ağdam rayonu istiqamətində Hərbi Hava Qüvvələrimizin hava hücumundan müdafiə bölmələri tərəfindən məhv edilən, Ermənistan Silahlı Qüvvələrinə məxsus pilotsuz uçan aparat X-55 (Ptero 5E) tipinə aiddir və bu, kəşfiyyat məqsədli bir aparatdır.
X-55 pilotsuz uçan aparatının taktiki-texniki xüsusiyyətləri:
– Qanadların açılışı 3030 mm.
– Uzunluğu 2100 mm.
– Kreyser sürəti 85-115 km/saat
– Maksimal uçuş sürəti 180 km/saat
– Havada qalma müddəti:
elektrik mühərriki ilə 1.5 saat
benzin variantında 8 saatadək
– Maksimal uçuş məsafəsi 130 km.
– Maksimal uçuş hündürlüyü 2000 m.
– Maksimal tətbiqetmə uzaqlığı 85 km.-dək
– Qalxma üsulu katapult
– Enmə üsulu paraşüt.
