ADP seçkidən çəkildi
Sentyabrın 16-da Azərbaycan Demokrat Partiyası 1 noyabr parlament seçkisində iştirakdan imtina etdiyini açıqlayıb. Partiyadan APA-ya verilən məlumata görə, imtina qərarı son vaxtlar Azərbaycanla Qərb institutları arasında münasibətlərin gərginləşməsi, ATƏT-in Demokratik Təsisatlar və İnsan Hüquqları Bürosunun parlament seçkisinə müşahidə missiyası göndərmək istəməməsi ilə əsaslandırılıb.
Qərara əsasən, partiya sədri Sərdar Cəlaloğlu, onun iki müavini, Ali Məclisin sədri və başqa ADP-çilər seçki fəaliyyətlərini bu gündən dayandırıblar.
