“Skype”da yeni funksiya
“Microsoft” şirkəti “Skype”ın veb versiyasında yeni funksiyanın yaradıldığını açıqlayıb.
Novator.az xəbər verir ki, yeni funksiya indiyə qədər yalnız mobil və desktop (yüklənən proqramlar əsasında işləyən versiya) versiyalarında mövcud idi.
“Skype”ın veb versiyasının yeni funksiyası qrup şəklində adi zənglərə və videozənglərə imkan yaradacaq. Qrup şəklində olan zəngin 25 istifadəçisi, video bağlantının isə 10 iştirakçısı ola bilər.
Yeniliyə görə, şəkilləri “çat” da iştirak edən istənilən adamın ünvanına göndərmək mümkün olacaq.
Yenilənmiş “Skype”ın “Android” üçün elə də əhəmiyyəti yoxdur.
