Biş-düşü öyrədən robot
“RoboHow” vahid robotlar şəbəkəsinin Avropa alimlərindən ibarət qrupu yeni robot yaradıb. Novator.az xəbər verir ki, “PR2” adlandırılan robotun adamlara kulinariya dərsi keçmək, biş-düşü öyrətmək qabiliyyəti var.
Yeni robot insanın gördüyü işləri izləməklə və ya internetdən video reseptləri tapmaqla, məsələn, bankanın açılması, xəmirin yoğrulması və ya fəsəlinin tavada çevrilməsi kimi hərəkətləri, eyni zamanda reseptləri mənimsəyə bilir.
“PR2” artıq sərbəst pizza və fəsəli bişirməyi öyrənib.
Təlim prosesində robotun aldığı bütün məlumatlar yaddaşa yazıldığına görə ondan kulinariya işlərinin başqalarına öyrədilməsində istifadə etmək mümkündür.
Robotu yaradanlardan biri – Mayk Bits kulinar robotun yaxın 10 ildə bazara çıxarılacağını deyib.
