“Twitter” və “Google” birgə xidmət yaradır
“Twitter” və “Google” şirkətləri yaxın vaxtlarda mobil telefonlar üçün müştərək xəbər xidməti yaratmaq niyyətindədir.
Novator.az xəbər verir ki, ABŞ internet şirkətlərinin rəsmi təmsilçilərinin sözlərinə görə, hər iki brendin informasiya texnologiyaları üzrə mütəxəssisləri yeni xidmətin yaradılması üzərində işləyirlər.
Xidmət mobil telefon sahiblərinə, xüsusən də smatfon işlədəçilərinə müxtəlif saytlardan xəbər və məqalələri dərhal çatdıracaq. Xidmətin əsas üstünlüyü odur ki, informasiya saytlarının materiallarını “Google” və “Twitter”də müstəqil şəkildə yerləşdirmək mümkün olacaq.
Yeni funksiyanın bu il payızın sonunda işə düşəcəyi gözlənir.
