Kəşfiyyatçılar asan parolun tərəfdarıdırlar
Böyük Britaniyanın Hökumət Rabitə Mərkəzinin mütəxəssisləri ictimaiyyəti şəbəkədə asan parollardan istifadə etməyə çağırır.
Novator.az xəbər verir ki, bununla bağlı Britaniya İnformasiya Kəşfiyyatı Agentliyi “Parollar: öz yanaşmanızı sadələşdirin” başlıqlı məqalə dərc edib. Məqalədə internet istifadəçislərinə hesablarının təhlükəsizliyinə yardımı edən əsas prinsiplər sadalanıb.
Şəbəkədən istifadə edən bütün insanlar çətin parol seçməyə öyrəşiblər. Bəzən onların yadda saxlanmasında problemlər yaşanır. Kəşfiyyat əməkdaşları məqalələrində çətin parolların etibarlı olması mifini rədd edirlər. Onların fikrincə, həm professionallar, həm də adi istifadəçilər asan paroldan istifadə etməlidirlər.
Böyük Britaniyanın kəşfiyyat əməkdaşları bildirirlər ki, adamlar çətin, yadda qalmayan parolları kağıza qeyd eləməyə və ya kompüterin mətn faylında saxlamağa məcbur olurlar, bu da heç də təhlükəsiz deyil.
Məqalədə xüsusi xidmət orqanları internet şirkətlərini öz təhlükəsizlik sistemini təkmilləşdirməyə çağırır ki, adamlar müxtəlif haker hücumundan qorxmasınlar.
