Sosial şəbəkə söyüşü qadağan etdi
“Vkontakte” sosial şəbəkəsinin qrup administratorları üçün yeni alət (funksiya) yaradılıb. Novator.az xəbər verir ki, “Arzuolunmaz şərhlərin filtri” adlı yeni alətin köməyilə istifadəçilərin etikaya zidd şərhlərini onlar dərc olunmazdan qabaq silmək mümkün olacaq. Yeni alətin xüsusiyyətləri haqda şirkətin komandası məlumat yayıb.
Bundan başqa, sosial şəbəkə administartorlarına şərhlərdə istifadəsi arzu olunmayan ifadələrin siyahısını tərtib etmək səlahiyyəti də verilib.
Filtirə düşən bütün yazılar səhifənin “Nizamlama” hissəsində yeni “Hadisələr jurnalı” qoşmasına yerləşdiriləcək. Bu qoşmanı administratorlar görəcək. Administratorlar qoşmaya baxıb şərhin hansı ifadəyə görə silindiyini biləcəklər, onun bərpa olunması və ya müəllifin bloklanması haqda qərar verəcəklər.
Yeni funksiya şəbəkə administratorları üçün tədricən işə salınacaq.
