Smartfon sahiblərinə xəbərdarlıq edildi
Yaponiyanın “Sony” şirkəti öz saytında istehsal etdiyi sukeçirməyən smartfonlarla bağlı açıqlama yayıb.
Novator.az xəbər verir ki, şirkət sukeçirməyən smartofonları suyun altında işlətməyi məsləhət görmür.
“Sony” smartfonlarının çoxu “IP68” standartı ilə müdafiə olunur. “IP68” standartı smartfonları 30 dəqiqə suyun içində (1,5 metr dərinliyəcən) saxlamağa imkan verən mexanizmin adıdır.
Amma “Sony” şirkəti saytında izah edir ki, smartfonların suya davamlılığı laboratoriya şəraitində sınaqdan keçirilir. Qurğu 1,5 metr dərinliyində sıxılmış su ilə dolu konteynerdə 30 dəqiqə saxlanır və sonra oradan çıxarılır. Həmin vaxt smartfon “yuxu” rejimində olur. Ona görə də “Sony” cibdə smartfon hovuza tullanan adamlara qurğunun işlək qalacağına zəmanət vermir. Şirkət həm də suyun altında fotoçəkiliş aparmağı məsləhət görmür.
