Smartfonlara virus harada düşür?
Mobil qurğuların təhlükəsizliyi ilə məşğul olan “G Data” şirkəti smartfon telefonların 20 növ modelində zərərli proqramların olduğunu müəyyən edib.
Novator.az xəbər verir ki, “G Data”nın apardığı araşdırmalara görə, samartfonlar virusa hazırlandığı zavodda deyil, sonradan anbarda və ya mağazada zərərli proqram təminatı ilə yoluxur.
Smartfonların çoxu istehsal olunduğu zavoddan birbaşa mağazaya deyil, daha çox vasitəçilərin əlinə düşür. Məhz həmin vaxt smartfonların ilk istifadə olunduğu gündən müxtəlif hücumlara məruz qalmasında maraqlı olan kənar şəxslər mobil qurğuya giriş əldə edir.
“G Data” şirkəti zərərli proqramların aşkarlandığı yeni smartfonlar hesabatında onların istehsalçılarının adlarını da açıqlayıb. Bunlar “Xiaomi”, “Huawei”, “Lenovo”, “Alps”, “ConCorde”, “DJC”, “Sesonn” və “Xido” şirkətləridir.
Həmin şirkətlərdən birinin – “Smartfon S860” istehsalçısı “Lenovo” nın təmsilçisi yaranmış problemlə bağlı açıqlamasında bildirib ki, onlar vəziyyəti araşdırıblar və smartfonlara zərərli proqramların məhz vasitəçilərin əlində olduğu vaxt yerləşdirildiyi məlum olub.
