“Google” məxfi layihədən imtina edib
“Google” şirkəti pərakəndə satış üçün nəzərdə tutulmuş məxfi layihədən imtina edib. Novator.az xəbər verir ki, səbəb “Google” da istifadəçilərin məxfi məlumatlarının çox olmasıdır. Bundan başqa layihədə iştirak etmək üçün şirkətlər avadanlıqların əvvəlcədən quraşdırılması üçün külli miqdarda pul xərcləməli idilər.
Şirkət “Google Maps” xidməti üçün əlavə proqram buraxmağa hazırlaşırdı. Proqram tərəfdaş mağazalara reklam bildirişlərinin köməyi ilə kartoqrafik xidmətdən birbaşa istifadə etməklə öz məhsulunu daha yaxşı reklam etməyə imkan verəcəkdi.
“Google Here” adlanan sistem satıcılara heç bir proqram yükləmədən alıcıların yerləşdiyi nöqtədən asılı olaraq onlarla qarşılıqlı əlaqə saxlamaq imkanı verəcəkdi.
“Google Here” istifadəçinin tərəfdaş mağazaya gəlməsi üçün onun telefonuna 5 saniyə ərzində ismarış göndərməli idi. Hər bir ticarət obyektində quraşdırılması nəzərdə tutulan xüsusi qurğular isə alıcının yerləşdiyi nöqtəni qeydə almalı idi.
Layihə hələ ilin əvvəlində bağlansa da, mediada bu haqda məlumat indi yayılıb.
