Bankdan 20 milyon rubl oğurladılar
Rusiyanın Sankt-Peterburq şəhərində xüsusi virus proqramından istifadə edərək “Sberbank”dan pul oğurlayan cinayətkar qrup yaxalanıb.
Novator.az xəbər verir ki, Sankt-Peterburqun hüquq mühafizə orqanlarının məlumatına görə, cinayətkarlar bank müştərilərinin hesabından 20 milyon rubl çıxarıblar. Onlar smartfonlara virus proqramı yerləşdirərək “Mobil bank”ın sisteminə daxil olublar və gizlicə pul vəsaitlərini öz hesablarına köçürüblər.
Bir ay bundan əvvəl başqa bir cinayətkar qrup oxşar sxemlə “Sberbank”ın 100 min müştərisinin hesabından 2 milyard rubl oğurlamışdı.
