“Windows 10” bir ayda 75 milyon qurğuda quraşdırılıb
“Windows 10” əməliyyat sistemi bir ay ərzində dünyada 75 milyondan çox qurğuda quraşdırılıb. Bunu “Microsoft” şirkətinin vitse-prezidenti Yusif Mehdi deyib.
“Microsoft” şirkəti yaxın üç ildə “Windows 10”un 1 milyard dəfə quraşdırılmasına nail olmaq niyyətindədir.
Hazırda əməliyyat sisteminin “Home” və “Pro”, eləcə də “Enterprise” və “Education” versiyalarını yükləmək olar.
“Windows 10” üçün “Threshold 2” adlanan, bu ilin oktyabrında təqdim ediləcək ilk yenilənmə üzərində iş aparılır. Əməliyyat sisteminin smartfonlar üçün versiyasının da payızda çıxacağı gözlənilir.
Məlumatı Mincom.gov.az saytı Macdigger.ru-ya istinadla yayıb.
