Mütəxəssislər veb-proqramlardan narahatdırlar
“CyberEdge Group” şirkəti informasiya təhlükəsizliyi üzrə mütəxəssislərin arasında rəy sorğusu aparıb. Respondentlərin 52 faizi bildirib ki, 2015-ci ilin sonunadək onların şirkəti kiberhücumların qurbanı olacaq. Ötən il belə pessimistlərin sayı 39 faiz idi.
Mütəxəssislər əsasən veb-proqramlara hücumlardan narahatdırlar. Veb-proqramlar müasir şirkətlərdə geniş yayılıb və çox vaxt cinayətkarların diqqət mərkəzində olur. Veb-proqramları cinayətkarlar üçün cəlbedici edən burada məxfi məlumatların olmasıdır.
Mütəxəssisləri mobil qurğuların təhlükəsizliyi də çox narahat edir. Onlar hesab edirlər ki, kibertəhdidlərdən ən az mühafizə olunan mobil qurğulardır. Sonrakı yerlərdə noutbuklar və sosial şəbəkələr gəlir.
Məlumatı Mincom.gov.az saytı xarici mediaya istinadla yayıb.
