“Instagram” istifadəçilərinin sayı artıb
“Pew Research Center” şirkətinin yeni məlumatlarına əsasən, “Instagram” xidməti 1 il ərzində istifadəçiləri özünə daha çox cəlb edə bilib.
2014-cü ilin sentyabrında sözügedən xidmətin istifadəçilərinin 49 faizi bu platformadan gündəlik istifadə edib. İndi bu göstərici 59 faizə yaxınlaşıb. Bu halda “Instagram” istifadəçilərinin 75 faizi həftədə bir neçə dəfə lentini yoxlayır.
“Facebook”un auditoriyasının 70 faizi gündəlik sosial şəbəkədən istifadə edir və bu göstərici üzrə əvvəlki tək liderdir. Bu halda sözügedən sosial şəbəkənin istifadəçilərinin 43 faizi gün ərzində bir neçə dəfə xəbər lentini yoxlayır.
“Pew” şirkətinin mütəxəssisləri bildirir ki, “Facebook”un gündəlik istifadəçilərinin ümumi payı 2014-cü ildən dəyişməz olaraq qalır.
Xəbəri AZƏRTAC “Searchengines.ru” saytına istinadla yayıb.
