Azərbaycanın 6 layihəsi “World Summit Award 2015”in final mərhələsinə çıxıb
Azərbaycanın altı layihəsi “World Summit Award 2015” beynəlxalq innovasiya müsabiqəsinin final mərhələsində iştirak edəcək.
Onlayn qaydada aparılan seçimlərdə münsiflər tərəfindən “Government & Open Data” (Açıq hökumət üzrə) nominasiyasında “ASAN Xidmət”in “Asan Pay” xidməti, “Health & Environment” (Sağlamlıq və ətraf mühit kateqoriyası üzrə) nominasiyasında “NoObs” tələbə startapçılar komandasının “Spinal” qurğusu, “Media & News” (Media üzrə) nominasiyada “E-tap.az” resursu, “Business & Commerce” (Bines və kommersiya üzrə) nominasiyasında “BethClip”, “Entertainment & Lifestyle” (Əyləncə kateqoriyası üzrə) “Notify”, “Culture & Tourism” (Mədəniyyət və turizm üzrə) “RobiGuide” layihələri mübarizə aparacaqlar.
Novator.az Azərbaycanın Rabitə və Yüksək Texnologiyalar Nazirliyinə istinadla xəbər verir ki, sentyabrın 17-20-də müsabiqənin final mərhələsi Bakıda keçiriləcək.
