Dünyanın hərarəti artıb
ABŞ-ın Milli Aerokosmik Agentliyinin (NASA) mütəxəssisləri 2015-ci ilin iyul ayını dünyada son 200 ilin ən isti ayı hesab ediblər.
Novator.az xəbər verir ki, alimlərin fikrincə, planet 4 min ilin ən yüksək istisi ilə üzləşib.
NASA mütəxəssisləri Yerin orta temperaturunu peyk vasitəsilə qeyd edən cihazların köməyilə apardıqları əməliyyatdan sonra belə nəticəyə gəliblər.
NASA-nın ilkin məlumatına görə, bu ilin iyul ayının dünya üzrə orta temperaturu 2011-ci ilin iyulunda qeydə alınmış rekord göstəricini 0,02 dərəcə aşıb.
NASA mütəxəssisləri hesab edirlər ki, Yerin orta illik temperaturunun daha bir neçə dərəcə artması fəlakətlə nəticələnə bilər. Alimlərin ehtimalına görə, istiləşmə dəniz səviyyəsinə dərhal təsir göstərəcək, ekstremal istilər dövrü başlanacaq, heyvanlar aləminin mövcudluğu təhlükə altına düşəcək.
