136 yaşayış məntəqəsi ilə bağlı sərəncam
Prezident İlham Əliyev əkin sahələrinin suvarma suyu ilə təminatı və əhalinin içməli suya tələbatına dair əlavə tədbirlərə sərəncam verib. Novator.az-ın məlumatına görə, sərəncamla əhalisi 375 min nəfərə yaxın olan 36 şəhər və rayonun 136 yaşayış məntəqəsində (Siyahı) 150 subartezian quyusunun layihələndirilməsi və qazılması üçün dövlət büdcəsindən, prezidentin ehtiyat fondundan Azərbaycan Meliorasiya və Su Təsərrüfatı Açıq Səhmdar Cəmiyyətinə 10,5 milyon manat vəsait ayrılır.
Sərəncamda qeyd olunur ki, son illər su təminatı sahəsində mühüm tədbirlər həyata keçirilib, su anbarları, magistral kanallar və digər su təsərrüfatı obyektləri tikilib istifadəyə verilib: “Prezidentin ehtiyat fondundan ayrılmış vəsait hesabına 2013-2016-cı illərdə ölkənin 40 şəhər və rayonu üzrə əhalisi 1,3 milyon nəfərə yaxın olan 560 yaşayış məntəqəsində əkin sahələrinin, həyətyanı torpaq sahələrinin suvarma suyu ilə təmin edilməsi və əhalinin içməli suya tələbatının ödənilməsi üçün 957 subartezian quyusu qazılıb”.
