111-ci pillə
FİFA iyunun 20-də milli futbol komandalarının reytinqini yeniləyib. Azərbaycan 210 yığma arasında 111-ci yerdə göstərilir.
İran 20-ci, Ukrayna 24-cü, Rusiya 33-cü, Türkiyə 42-ci, Özbəkistan 62-ci, Gürcüstan 74-cü, Ermənistan 96-cı, Belarus 98-ci, Qırğızıstan 101-ci, Tacikistan 102-ci, Qazaxıstan 109-cu, Estoniya 123-cü, Litva 136-cı, Latviya 138-ci, Türkmənistan 144-cü, Moldova 152-ci pillədədir.
Beynəlxalq turnirlərə 1994-cü ildən qatılan Azərbaycan millisi dörd Avropa çempionatının seçmə mərhələsini qrupda sonuncu, dördünü sondan əvvəlki pillədə bitirib.
Dörd dünya çempionatının seçmə mərhələsində yığma qrupda sonuncu, ikisində sondan əvvəlki, birində axırdan üçüncü pilləni tutub.
Yığma bir yol Millətlər Liqasının ən aşağı divizionunda qrup ikincisi olub, sondan yuxarı divizionunda bir yol üçüncü, bir yol ikinci yerdə qərarlaşıb.
İyunun 12-də portuqaliyalı Fernando Santoş millinin baş məşqçisi təyin olunub. Əvvəllər milli komandanın sükanı arxasında Ələkbər Məmmədov, Ağasəlim Mircavadov, Kazbek Tuayev, Vaqif Sadıqov, Əhməd Ələsgərov, İqor Ponomaryov, Əsgər Abdullayev, Karlos Alberto Torres, Şahin Diniyev, Berti Foqts, Robert Prosineçki, Qurban Qurbanov, Nikola Yurçeviç, Canni De Byazi dayanıblar.
