100-dən çox aksiyaçı tutulub
Aprelin 20-də polis Ermənistanın paytaxtı Yerevanın müxtəlif nöqtələrində aksiyalar keçirən 100-dən çox şəxsi tutub. Novator.az-ın məlumatına görə, yürüşlər üzündən şəhərin bəzi mərkəzi küçələri bağlanıb, bir neçə yol yük maşınları ilə qapanıb.
Nümayişçilər Yerevan-Abovyan şosesini kəsməyə də cəhd göstəriblər, polis buna imkan verməyib.
Aksiyalar aprelin 13-dən davam edir. Parlamentdə 9 deputatla təmsil olunan müxalif “Çıxış” blokunun lideri, Vətəndaş Sazişi Partiyasının sədri Nikol Paşinyanın başçılıq etdiyi aksiyalarda Serj Sərkisyanın hakimiyyətinin uzanmasına etiraz bildirilir.
Serj Sərkisyan 2008-ci ildən bu il aprelin 9-dək prezident postunu tutub, aprelin 17-si parlamentdə baş nazir seçilib. Həmin gün prezident Armen Sərkisyan Serj Sərkisyanı baş nazir təyin edib.
