Niyə uşaq saxlamaq çətindir? (BMT-nin hesabatı)
BMT-nin Əhali Fondu doğum göstəriciləri ilə bağlı araşdırmanın nəticələrini açıqlayıb. Novator.az-ın məlumatına görə, 14 ölkədə ümumilikdə 14 min nəfəri əhatə etmiş araşdırmada uşaq dünyaya gətirməyə əsas çətinliyin maliyyə problemlərindən doğduğu bilinib. Sorğuya qatılan kişi və qadınların 39 faizi bunu əsas gətirib.
Araşdırmaya cəlb olunan şəxslərin 21 faizi uşaq əkib-doğmağa əsas çətinlik kimi işsizliyi və sabaha inamın olmamasını, 19 faizi mənzil şəraitinin pisliyini, 12 faizi sonsuzluğu, 12 faizi ümumən səhhətindəki problemləri, 12 faizə uşağa yaxşı baxmağın mümkünsüzlüyünü, 7 faizi tibbi xidmətlərin əlçatan olmamasını göstərib.
Tədqiqat ABŞ, Meksika, Braziliya, İsveç, Almaniya, Macarıstan, İtaliya, Hindistan, Tailand, İndoneziya, Cənubi Koreya, Mərakeş, Nigeriya və Cənubi Afrika Respublikasında aparılıb. Hesabata əsasən, dünya əhalisinin 37 faizi bu 14 ölkədə yaşayır.
Mənbə: Unfpa.org
