“Qarabağ”lı turnir
UEFA Çempionlar Liqasının 2025-2026 mövsümünə 82 komanda buraxılır. 29 komanda liqa raunduna birbaşa vəsiqə alır, 7 bilet təsnifatlarda əldə olunur. Birinci mərhələdə ələnənlər Konfrans Liqasına, sonrakı mərhələlərdə ələnənlər Avropa Liqasına köçür.
Azərbaycan təmsilçisi “Qarabağ” mövsümə ikinci mərhələdən start verir. Bu raundda Serbiyadan “Srvena Zvezda”, Slovakiyadan “Slovan”, Ukraynadan “Dinamo”, Kiprdən “Pafos” da var.
Bəzi güclü komandalar turnirə birinci mərhələdən başlayır: “Ludoqorets” (Bolqarıstan), “Styaua” (Rumıniya), “Olimpiya” (Sloveniya), “Malmö” (İsveç).
Türkiyədən “Qalatasaray” rəqibləri liqa raundunda, “Fənərbaxça” üçüncü mərhələdə gözləyir.
36 komandalıq liqa mərhələsində 9-24-cü yerləri tutanlar 1/16 finala, ilk 8 pilləni tutanlar 1/8 finala çıxır.
Turnir 2025-ci il iyulun 8-də başlayır. Final 2026-cı il mayın 30-na (Budapeşt) təyin olunub.
