Avropa meydanlarında
Türkiyə milli futbol çempionatında 2024-2025 mövsümünün qalibi sona iki tur qalmış müəyyənləşib: “Qalatasaray” qızıl medalları təmin edib. Bu, komandanın 25-ci çempionluğudur.
1957-ci ildən bəri daha beş komanda Türkiyə çempionu olub. “Fənərbaxça”nın 19, “Beşiktaş”ın 16, “Trabzonspor”un 7, “Bursaspor” və “Başakşəhər”in 1 zəfəri var.
Son tur ərəfəsində İtaliya çempionatında zirvəyə iki iddiaçı qalır: “Napoli” 79, “İnter” 78 xal yığıb.
Avropanın qalan əsas çempionatlarına gəlincə, İngiltərədə “Liverpul”, İspaniyada “Barselona”, Almaniyada “Bavariya”, Fransada PSJ, Niderlandda PSV, Portuqaliyada “Sportinq”, Çexiyada “Slaviya”, Şotlandiyada “Seltik”, İsveçrədə “Bazel”, Yunanıstanda “Olimpiakos” turnirə möhür vurub.
