Maaş artımı sosial ödənişi də artırır
2023-cü il yanvarın 1-dən minimum aylıq əməkhaqqının məbləği 345 manat müəyyən edilir. Novator.az bildirir ki, yeni məbləğ fərdi sahibkarların Dövlət Sosial Müdafiə Fonduna ödənişlərini də artıracaq. Fərdi sahibkarların Dövlət Sosial Müdafiə Fonduna ödənişləri minimum əməkhaqqı məbləğinə bağlıdır. Sahibkarlıq fəaliyyəti üzrə minimum aylıq əməkhaqqının tikinti sahəsində 50 faizi, digər sahələrdə 25 faizi miqdarında ödəniş var. Bakı şəhərində 25 faiz miqdarının 100 faiz həddi, Sumqayıt və Gəncə şəhərlərində 90 faiz həddi, digər şəhərlərdə 80 faiz həddi, rayon mərkəzlərində və qəsəbələrdə 60 faiz həddi, kənd yerlərində 50 faiz həddi tətbiq olunur.
2022-ci il yanvarın 1-dən minimum aylıq əməkhaqqının məbləği 300 manat idi.
