Gürcüstanda əhalinin (azı 6 yaşı olan şəxslərin) 79,8 faizi internet istifadəçisidir. Novator.az bildirir ki, Milli Statistika Xidməti 2022-ci ilin iyul ayında aparılmış sorğunun nəticələri əsasında belə hesabat yayıb.

Rəsmi açıqlamaya görə, ölkədə ev təsərrüfatlarının 88,4 faizi internetlə təmin olunub. Şəhərlərdə bu göstərici 92,8 faiz, kəndlərdə 82,4 faiz, paytaxt Tbilisidə 94,8 faizdir.

İnternet istifadəçiləri arasında 15-29 yaş arasında şəxslərin daha fəal olduğu vurğulanır: onların 98,7 faizi virtual məkana bağlıdır.

Sorğuya əsasən, azı 6 yaşı olan şəxslərin 88,1 faizinin mobil telefonu, ev təsərrüfatlarının 60,3 faizinin kompüteri var.

Mənbə: Newsgeorgia.ge