Bakının nəqliyyat idarəçiliyi dəyişir
Prezident İlham Əliyev Bakının nəqliyyat sistemində idarəetmənin dəyişməsinə fərman verib. Fevralın 7-də imzalanan fərmana görə, Bakı Nəqliyyat Agentliyi publik hüquqi şəxs statusu ilə Bakı Şəhər İcra Hakimiyyəti başçısının tabeliyinə, agentliyin “Nəqliyyatı İntellektual İdarəetmə Mərkəzi” Məhdud Məsuliyyətli Cəmiyyəti isə Daxili İşlər Nazirliyinin tabeliyinə keçir.
Nazirlər Kabineti agentliyin yeni nizamnaməsini üç ay müddətində təsdiq etməlidir.
Bakı Nəqliyyat Agentliyi 2015-ci il dekabrın 21-də Nazirlər Kabineti yanında qurum statusunda yaradılıb, 2018-ci il aprelin 2-də publik hüquqi şəxsə çevrilib.
