Məhbus jurnalist Polad Aslanov aclıq aksiyasını dayandırıb. Xəbəri martın 3-də “Turan” jurnalistin həyat yoldaşına istinadla yayıb. Qeyd olunur ki, Polad Aslanov martın 3-də paytaxtın Nizami rayonunda yerləşən 1 saylı Cəzaçəkmə Müəssisəsindən anasına zəng vurub aksiyaya son verdiyini bildirib.
Xeberman.com və Press-az.com saytlarının baş redaktoru olan Polad Aslanovu 2019-cu il iyunun 12-də Dövlət Təhlükəsizliyi Xidməti həbs edib, ona dövlətə xəyanət ittihamı verilib.
Rəsmi açıqlamaya görə, Polad Aslanov xarici xüsusi xidmət orqanlarının əməkdaşları ilə ölkədən kənarda məxfi görüşlər keçirib, maddi maraq müqabilində əməkdaşlığa cəlb edilib: “O, xarici xüsusi xidmət orqanlarının əməkdaşlarından aldığı tapşırıqlar əsasında topladığı məlumatları Azərbaycanın dövlət təhlükəsizliyi və müdafiə qabiliyyəti zərərinə həmin orqanlara ötürüb, onların tapşırığı ilə mətbuatda, sosial şəbəkələrdə dövlət əleyhinə, hüquq mühafizə orqanlarının qanuni fəaliyyətini nüfuzdan salmağa yönəlmiş yazılar yayımlaması razılaşdırılıb”.
2020-ci il noyabrın 16-da Bakı Ağır Cinayətlər Məhkəməsi jurnalistə 16 il azadlıqdan məhrumetmə cəzası kəsib.
Hökmdən Bakı Apellyasiya Məhkəməsinə şikayət edən Polad Aslanov bu il fevralın 1-də keçirilən ilk prosesdə qanunsuz tutulub məhkum olunduğunu, hüquqlarının pozulduğunu vurğulayaraq aclıq aksiyasına başlamışdı.
Fevralın 15-də Bakı Apellyasiya Məhkəməsi Polad Aslanova ilkin məhkəmə instansiyasında çıxarılmış hökmü qüvvədə saxlayıb.
Polad Aslanov tutulandan 2020-ci il avqustun 7-dək Dövlət Təhlükəsizliyi Xidmətinin istintaq təcridxanasında, həmin gündən sonra Bakı İstintaq Təcridxanasında saxlanıb, 2021-ci il fevralın ikinci yarısında 1 saylı Cəzaçəkmə Müəssisəsinə köçürülüb.
DTX jurnalistin həbsi ilə bağlı açıqlama yayıb
Polad Aslanovun həbs müddəti uzadılıb
Məhbus jurnalistin aclıq etdiyi bildirilir
Jurnalistin şikayəti təmin edilməyib
Polad Aslanovun işi üzrə ibtidai istintaq başa çatıb
Polad Aslanovun məhkəməsi qismən qapalı olacaq
Polad Aslanov məhkəmənin açıq keçirilməsini istəyir
Məhbus jurnalist rəsmilərə müraciət edib
Polad Aslanov prezidentə üz tutub